Federata Shqiptare e Futbollit do të hedhë shortin për fazën çerekfinale të Kupës së Shqipërisë 2023/2024 ditën e mërkurë më datë 31 janar, ku do të zbardhen çiftet çerekfinaliste të këtij edicioni. Përjshtohet derbi kryeqytetas, duke qenë se Partizani dhe Tirana ndodhen në të njëjtën vazo.
Departamenti i Garave në FSHF bën me dije se shorti do të zhvillohet në ambientet e “Shtëpisë së Futbollit” në sallën e konferencave për shtyp dhe do të nisë në orën 11:00, ku do të jetë i hapur për mediat, ndërsa do të marrin pjesë edhe përfaqësuesit e tetë klubeve të kualifikuar deri në këtë fazë e më konkretisht Egnatia, Partizani, Vllaznia, Tirana, Teuta, Kukësi, Erzeni dhe Laçi.
Lexo më tej: Kupa e Shqipërisë, Tirana e Partizani në çerekfinale, Dinamo eliminohet në Laç: ja rezultatet
Për përcaktimin e çifteve çerekfinaliste të Kupës së Shqipërisë do të hidhet short i lirë ndërmjet tetë ekipeve të kualifikuara në këtë tur. Partizani, Tirana, Egnatia dhe Vllaznia janë të pozicionuara në vazon e parë ndërsa Laçi, Teuta, Kukësi dhe Erzeni ndodhen në vazon e dytë.
Ndeshjet do të luhen me sistem vajtje-ardhje, me dy takime dhe sfidat e para do të zhvillohen në fushën e ekipeve të pozicionuara në vazon e dytë.
⚽ Shorti për çerekfinalet e Kupës së Shqipërisë 🏆🇦🇱
📆 31 janar, 11:00, 📍 Shtëpia e Futbollit𝐕𝐚𝐳𝐨 𝟏: Partizani, Tirana, Egnatia dhe Vllaznia
𝐕𝐚𝐳𝐨 𝟐: Laçi, Teuta, Kukësi dhe Erzeniℹ️ Më tepër, në 𝐟𝐬𝐡𝐟.𝐨𝐫𝐠#futboll #fshf #kupaeshqiperise pic.twitter.com/zSX67VzBZf
— FSHF (@FSHForg) January 27, 2024