Ditë, ose më mirë, javë, vendimtare për të ardhmen e Inter. Presidenti Steven Zhang ka shprehur dëshirën e tij për të qëndruar në krye të klubit në më shumë se një rast, por afati i fundit për huazimin prej 275 milionë eurosh, plus interesat, që duhet t’i shlyhen Oaktree deri në maj është pezull mbi grupin Suning.
Për këtë arsye, siç raportohet nga Corriere dello Sport, numri një i zikaltërve është në kërkim të dëshpëruar për partnerë të rinj. Idea është ajo për të rifinancuar huazimin. Koha po ikën dhe nëse nuk respektohet afati, mund të lindë skenari i bujshëm i shitjes së klubit.
INTER, E ARDHMJA E SHOQËRISË NJË REBUS
Corriere dello Sport shkruan: “Suning do të duhet të paguajë fondin amerikan (ed. Oaktree). Përveç 275 milionëve të marra 3 vjet më parë, edhe interesin, për një total që i kalon 350 milionë euro. Sidoqoftë, ka qartësi për synimet e Steven Zhang, ose më saktë gjetjen e një institucioni tjetër financiar që të japë një kredi tjetër, me anë të së cilës të paguajë borxhin ndaj Oaktree. Në këtë mënyrë Suning do të fitonte kështu më shumë kohë për të shlyer paratë. Çështja është interesi me të cilin do të mbyllet ky operacion. Ato do të ishin të larta dhe presidenti i Inter po punon për të siguruar kushtet më të mira të mundshme”.
Lexo më tej: The Athletic bën llogaritë e Zhang te Inter: 329 milionë euro për tu kthyer deri në maj
Ndihma mund të vijë nga jashtë: “Sipas thashethemeve – shkruan gjithmonë CorSport – bashkëbiseduesit me të cilët ka tryeza të hapura janë gjithmonë amerikanë. Vetëm se, përveçse nuk është e lehtë, koha tani po ikën. Nëse afati i majit nuk respektohet, aksionet e klubit zikaltër do të përfundojnë te Oaktree. Vështirë se ata do t’i mbajnë, por do të kërkojnë blerës. Gjithnjë nëse nuk e kanë gjetur tashmë një të tillë… Sidoqoftë, rifinancimi i mundshëm i huasë nuk mund të mbyllet në momentin e fundit. Procesi domosdoshmërisht duhet të fillojë më herët. E në fakt, deri në fund të shkurtit skenarët dhe perspektivat do të jenë pashmangshmërisht më të qarta, në një kuptim apo në një tjetër”.