Ditët torineze kanë filluar për Mike Tyson. Ish-kampioni i botës në peshat e rënda sapo ka mbërritur në qytet për të xhiruar disa skena të filmit të Andrea Iervolino “Bunny-Man”, ku ai do të luajë veten. E nëse për “Iron Mike” është një rikthim në set pas eksperiencave në “The Hangover I dhe II”, në Torino ish-boksieri vjen për herë të parë absolute.
Ish-boksieri, ikona e viteve nëntëdhjetë, personazhi i diskutueshëm brenda dhe jashtë ringut (procedurat e tij ligjore janë të njohura, si ndeshja në Las Vegas në 1997, kur kafshoi veshin kundërshtarit të tij Evander Holyfield, por edhe rrahje të tjera publike), zbarkoi të dielën në aeroportin Caselle me avionin e tij privat dhe më pas u vendos në hotelin Principi di Piemonte.
Tyson, i shoqëruar nga bashkëshortja e tij Lakiha Spicer dhe stafi i tij, nuk iu shmang selfie-ve dhe autografeve brenda dhe jashtë hollit të hotelit. Mbrëmjen e së hënës, së bashku me mikun e tij producent Iervolino, ai ka darkuar edhe në restorantin Casa Fiore (një destinacion i preferuar i Cristiano Ronaldo dhe Jannik Sinner). Në foton e publikuar në profilin e Instagramit të restorantit, “Iron Mike” shfaqet duke përqafuar shefin dhe pronarin Davide Fiore.
Lexo më tej: Video/ Tyson e kafshimi i veshit të Holyfield që tronditi botën: 26 vjet më parë në Las Vegas nisi fundi i Iron Mike
Filmi “Bunny-Man (prodhuar nga Tatatu me mbështetjen e Komisionit të Filmit Torino Piemonte) do të xhirohet 95% në produksion virtual në Tuscany Film Studios të vendosura në studiot e filmit Prodea Group. Bëhet fjalë për një film aksion, protagonist i të cilit është pikërisht “Bunny-Man”, një reper dhe multimilioner i famshëm, i cili lëviz në anonimitet i veshur me një maskë lepuri dhe, si një superhero modern. Ai ndjek ata që shkaktuan vdekjen e motrës që vrau veten pas shpërndarjes së imazheve pa pëlqimin e saj. Tyson do të qëndrojë në Torino për disa ditë të tjera.