Një tragjedi e pabesueshme ka goditur futbollin në Indonezi. Skena e ngjarjeve ishte qyteti i Bandung, ku po luhej një ndeshje miqësore mes 2 FLO FC Bandung dhe FBI Subang. Fatkeqësisht, ndeshja po zhvillohej nën një stuhi të ashpër e papritur një rrufe ra mbi fushë, duke goditur plotësisht një nga lojtarët në fushë. Imazhet janë shumë të forta.
VETËTIMA VRET FUTBOLLISTIN
Tragjedia në Indonezi ka ndodhur pasditen e së shtunës në stadiumin Siliëangi në Bandung, por mediat perëndimore kanë folur për të vetëm mëngjesin e sotëm. Gjatë ndeshjes, e luajtur nën një shi të rrëmbyeshëm, rrufeja goditi drejtpërdrejt lojtarin e Subang, Septian Raharja. Lojtari u shemb menjëherë në tokë pa ndjenja dhe me gjithë ndërhyrjen e lojtarëve të tjerë dhe stafit mjekësor nuk mund të bëhej më asgjë.
Lexo më tej: Video/ Tragjedi në Indonezi, 182 persona humbën jetën: ja si ndodhi revolta e tifozëve pas një ndeshje futbolli
Raharja u godit nga rrufeja në gjoks, ndërsa këpucët i janë gjetur tërësisht të karbonizuara. Nxitimi për në spital ishte i kotë, pasi vdekja ndodhi pak minuta më vonë. Klubi, pasi i ka shprehur ngushëllimet familjes së lojtarit, ka bërë të ditur se do të hapë një hetim për këtë çështje.
Un fulmine colpisce in pieno un giocatore durante una partita di calcio in Indonesia, tra #FBISubang e #FLOFC a Bandung. #NotizieShock pic.twitter.com/HDj6WJcSN8
— Il Politico Web (@ilpolitico_web) February 12, 2024