Juventus ndalon edhe në Verona dhe momenti i keq i bardhezinjve vazhdon. Pas humbjeve ndaj Inter dhe Udinese, në javën e 25 të Serie A, skuadra e Max Allegri nuk shkoi përtej një 2-2 emocionues me Hellas dhe mbetet në shënjestër të Milan me 54 pikë. Në Bentegodi në pjesën e parë vendasit e zhbllokuan ndeshjen me një të majtë fantastike nga Folorunsho (11′). Reagimi i bardhezinjve erdhi me Vlahovic (28′), që barazoi nga pika e bardhë, pas prekjes me dorë të Tchatchoua në diagonalen e Kostic. Në pjesën e dytë Noslin (52′) riktheu në avantazh ekipin verdheblu, por Rabiot (55′) vendosi gjithçka në ekuilibër. Në fund, pritje e shkëlqyer e Montipò ndaj Chiesa.
REAGIMI I TEKNIKUT ALLEGRI
Pas barazimit të hidhur me Veronën, Massimiliano Allegri nuk bën dramë dhe shikon përpara. “Një ndeshje si kjo mund të ishte humbur pavarësisht dy ose tre situatave në favorin tonë në fund – shpjegoi trajneri i Juventus -. Ne duhet të riorganizojmë idetë tona dhe të qartësojmë objektivin. Tani pësojmë gola shumë lehtë”. “Ky barazim na duhet që të fillojmë sërish duke marrë një pikë jashtë shtëpisë dhe të përgatitemi më mirë për ndeshjen kundër Frosinone – shtoi ai –. Distanca nga Inter? Nga sot nuk duhet të ketë më ndikim, duhet të rikuperojmë”.
“Edhe kundër Udinese patëm shumë mundësi dhe nuk shënuam si sonte në pjesën e parë – vazhdoi Allegri –. Duhet të punojmë me këtë detaj”. “Qëndrimi, megjithatë, nuk është i gabuar – shtoi ai -. Duhet shumë për të ndërtuar dhe pak për të shkatërruar gjithçka. Pas dy pikëve në katër ndeshje ne duhet t’i japim vetes një riorganizim të përgjithshëm”.
Lexo më tej: Allegri, xhaketa e flakur, misioni në Madrid e 405 pankina me Juventus: “Njeri e trajner me fat”
“Ndjesia sonte është se ata riniseshin pavarësisht ndryshimit të modulit dhe ne nuk mund t’i ndalonim – shpjegoi trajneri i Juventus, duke analizuar taktikisht ndeshjen kundër Hellas -. Dukej se ata mund të shënonin në çdo situatë dhe nuk duhet të ishte kështu”. “4-3-3? Unë kisha përgatitur ndryshimin e formacionit, por nuk është sistemi i lojës që ka ndikim. Në futboll duhet të vraposh shumë dhe të punosh si ekip – vazhdoi ai -. Tani jemi shumë të zgjatur dhe ne i lamë të kundërsulmonin me shumë lehtësi. Ne duhet të fillojmë përsëri me qetësi.”
“Që nga barazimi ndaj Empolit nuk kishim kokën e duhur – vazhdoi ai -. Nuk duhet të besojmë apo të mendojmë se jemi tashmë në Champions League. Duhet të punojmë derisa aritmetika të na japë siguri”. Së fundi për Vlahovic: “Dusan luajti një ndeshje të mirë. Të gjithë luajtën një ndeshje të mirë, por nuk mjafton për të fituar”.