Për inaugurimin e zonës VIP të stadiumit Santiago Bernabeu është pothuajse gjithçka gati: flitet për fundin e majit ose fillimin e qershorit, por fotot e brendshme kanë filluar të qarkullojnë në internet.
SANTIAGO BERNABEU I RI
Nga Florentino Perez dhe nga një klub kaq i lavdishëm si Real Madrid, sigurisht që nuk mund të pritej një stadium i çfarëdoshëm, por fotot që kanë qarkulluar në internet javët e fundit shkojnë përtej imagjinatës. Më shumë se struktura e një stadiumi, duket se sheh një hotel ultraluksoz. Muajt e fundit stadiumi kishte prezantuar barin inovativ të lëvizsshëm, çatinë e lëvizshme, ekranet maxi rrotulluese 360° por mbi të gjitha mikrosistemin për prodhimin e birrës në mënyrë të pavarur.
Lexo më tej: Real Madrid-Sevilla, arbitri u zëvendësua pas ‘anatemës’ së hedhur nga Kroos. Plasin polemika në Liga
Megjithatë, qershia mbi tortë u shfaq vetëm orët e fundit dhe është skena super VIP, e krijuar nga studio spanjolle Room 1804. Bëhet fjalë për një studi të specializuar në arredimin e brendshëm të hoteleve luksoze. Dhe në fakt zona VIP ka 200 vende, me më shumë se 400 metra katrorë ekrane, me një lokal të madh qendror dhe një disko e restorant anash. Me pak fjalë, të shohësh ndeshjen do të jetë pothuajse dytësore.
