Sharon Stone zbuloi emrin e producentit që i bëri presion asaj të kryente marrëdhënie me një koleg, në përpjekje për të pasur një performancë “më të mirë”.
Aktorja e “Basic Instinct” zbuloi se Robert Evans donte që ajo të kishte intimitet me Billy Baldwin ndërsa ata filmonin “Sliver” të vitit 1993.
“Më thirri në zyrën e tij. Ai kishte këto kolltukë shumë të ulët të viteve ’70, ’80, kështu që unë gati isha ulur në dysheme, kur duhet të isha në xhirime, “tha Stone në podkastin “Louis Theroux” të hënën.
“Dhe ai po vraponte rreth zyrës së tij me syze dielli duke më shpjeguar se ka fjetur me Ava Gardner dhe unë duhet të fle me Billy Baldwin, sepse performanca e Billy do të përmirësohej dhe ne kishim nevojë që ai të aktronte më mirë në film sepse ky ishte problemi.”
Stone, tani 66 vjeç, tha se Evans besonte se se*si me Baldwin do t’i jepte çiftit një “kimi në ekran” më të mirë, gjë që do ta “shpëtonte filmin”. Ajo pranoi se ishte e frustruar që producentët e filmit nuk i kishin dëgjuar sugjerimet e saj që në vend të Billy të luante Michael Douglas.
Stone së pari ndau situatën e pakëndshme në kujtimet e saj të vitit 2021, “Bukuria e të jetuarit dy herë”, por nuk përmendi emrin e Evans ose Baldwin në atë kohë. Aktorja vuri në dukje se “Sliver” fitoi 280 milionë dollarë në arkë, pavarësisht se u konsiderua një dështim i madh./Lapsi.al