Mbrëmje e hidhur për Napolin që humbi keq ndaj Barcelonës në Camp Nou, duke hequr dorë njëkohësisht nga dy kompeticione: Champions League dhe Botërori për Klube (Juventus u kualifikua në vend të tij). Pas ndeshjes, një gazetar ndaloi De Laurentiis për t’i bërë një pyetje, por presidenti e ngriu me shikimin e tij.
REAGIMI I DE LAURENTIIS NDAJ PYETJES SË GAZETARIT
Nuk është një moment i mirë për Aurelio De Laurentiis dhe gazetarët. Pas përplasjes me DAZN e pastaj Sky Sport, këtë herë çmimin e ka paguar një gazetar që i ka kërkuar një prononcim në tunelin e stadiumit pas Barcelona-Napoli, kur presidenti i klubit italian po largohej nga stadiumi.
Lexo më tej: Napoli jashtë Champions, Juventus buzëqesh: kualifikohet për Botërorit për Klube
“President, a do të konsiderohet ky një sezon i dështuar për objektivat që i kishit vënë vetes?”. Pyetjes së pakëndshme të gazetarit, pronari vullkanik i Napolit nuk iu përgjigj, por hodhi një vështrim që vlente më shumë se një mijë fjalë. Një anëtar i stafit të Napolit e qortoi gazetarin me një: “Po sipas teje…”. Ndërsa shefi i zyrës së shtypit ndërhyri “Pastaj ndër të tjera nuk mund të bësh as intervista”, përpara se dikush nga stafi të errësonte objektivin e kamerës me dorë.
🔴 No comment da parte di #Aurelio sugli obiettivi stagionali sfumati
🫵 Cosa ne pensate?#SscNapoli #PianetaNapoli #DeLaurentiis #ChampionsLeague #BarcelonaNapoli pic.twitter.com/Xz6aaOV8Zw
— Pianeta Napoli (@PianetaN) March 12, 2024