Në çerekfinalet e Champions League do të zhvillohet një finale e parakohëshme mes Real Madrid dhe Manchester City. Shorti në Nyon, në fakt, vë menjëherë përballë njëri-tjetrit Merengues dhe Citizens për të vazhduar rrugëtimin në kompeticion, me fituesin që takohet me fituesin e Arsenal-Bayern Munich në gjysmëfinale. Në anën tjetër të tabelës, megjithatë, një super sfidë mes Paris Saint-Germain dhe Barcelonës, me mundësinë e një derbi spanjoll në gjysmëfinale, nëse Atletico Madrid mund Borussia Dortmund në çerekfinalen tjetër.
Tifozët e botës së futbollit sigurisht që do të mund të shijojnë një spektakël unik duke nisur nga çerekfinalet e Champions. Shorti i hedhur në Nyon, në fakt, dekretoi një super përplasje, me atë mes Real Madrid të Carlo Ancelotti dhe Manchester City të Pep Guardiola. Një nga favoritët e mëdhenj për të arritur në finalen e Wembley, do t’i japë lamtumirën para kohe Champions League. Përplasja e çerekfinales, në fakt, ngjan me një finale të hershme për spanjollët dhe anglezët. Kushdo që ia del të triumfojë duhet të merret me fituesin e Arsenal-Bayern Munich, një tjetër ndeshje shumë interesante.
Lexo më tej: Video/ Atletico përmbys Inter dhe e eliminon me penallti: Sancho e Reus çojnë Dortmund në çerekfinale
Në anën tjetër të tabelës, ajo që do të vendosë një tjetër gjysëmfinalist në rrugën drejt Londrës, është një ndeshje emocionuese mes PSG-së dhe Barcelonës. Sfida e parë çerekfinale do të luhet në Parc des Princes. Një ndeshje e hapur, me parisienët dhe blaugranat që duhet të hedhin sytë edhe nga ndeshja mes Atletico Madrid dhe Borussia Dortmund, me mundësinë e një derbi spanjoll në gjysmëfinale.
SHORTI I ÇEREKFINALEVE
Q1: Arsenal-Bayern Munich
Q2: Atletico Madrid-Borussia Dortmund
Q3: Real Madrid-Manchester City
Q4: Paris Saint-Germain-Barcellona
Quarter-finals confirmed ✅#UCLdraw pic.twitter.com/s7PpLFP0Bn
— UEFA Champions League (@ChampionsLeague) March 15, 2024
ÇIFTET PËR NË GJYSMËFINALE
S1: Fituesja Q2- Fituesja Q4
S2: Fituesja Q1- Fituesja Q3
Për finalen është përcaktuar si skuadra vendase, fituesja e gjysmëfinales 1 (mes fitueses Atletico Madrid-Borussia Dortmund dhe Paris Saint-Germain-Barcelona).
DATAT
Çerekfinalet: ndeshja e parë 9-10 prill, ndeshja e dytë 16-17 prill
Gjysmëfinalet: ndeshja e parë 30 prill-1 maj, ndeshja e dytë 7-8 maj
Finalja: 1 qershor