IFAB, (Bordi Ndërkombëtar i Federatës së Futbollit), organizmi që menaxhon modifikimin e rregullave të futbollit në mënyrë krejtësisht të pavarur nga FIFA, është gati të bëjë ndryshimin e madh. Idea është rrëzimi i rregullit të pozicionit jashtë loje, në bazë të mocionit të paraqitur nga ish-trajneri i Arsenal, dhe kreu aktual i FIFA-s për zhvillimin e futbollit global, Arsène Wenger.
Aprovimi për eksperimentimin është dhënë, për të ofruar një futboll më sulmues dhe spektakolar. Por në çfarë konsiston ky rregull i ri?
RREGULLI I RI I POZICIONIT JASHTË LOJE
Propozimi i Wenger është që të ndryshojë udhëzimet që aktualisht ligjërojnë pozicionin jashtë loje. Sipas rregullores aktuale, i gjithë lojtari duhet të jetë prapa mbrojtësit të parafundit për të shmangur pozicionin jashtë loje. Ndërsa me rregullin e ri, një lojtar do të konsiderohej jashtë loje vetëm nëse do të ishte përpara mbrojtësit të parafundit me gjithë trupin.
Kështu, IFAB ka dhënë OK për të eksperimentuar me ndryshimin dhe në mbledhjen e bordit të planifikuar për në shkurt 2025, rregulli mund të marrë dritën jeshile përfundimtare. Kjo do të ishte një risi e mirëpritur edhe nga presidenti i FIFA-s, Infantino, dhe që duhet të çojë në një futboll më spektakolar dhe sulmues. Pas propozimit të Wenger, në fakt, qëndron edhe një studim i Premier League që tregon se si, me këtë rregull të ri, do të përgjysmoheshin sinjalizimet për pozicion jashtë loje.
IFAB has approved new tests for new offside criteria.
A player would only be considered in an offside position if his *ENTIRE* body is ahead of the last defender.
This should result in more goals? We’ll still be debating the offside line, just in a different place. pic.twitter.com/GddnFy1b3a
— Stu Holden (@stuholden) March 19, 2024