Astronautët në Stacionin Ndërkombëtar të Hapësirës (SNH) mundën të shijojnë një pamje “të frikshme” gjatë eklipsit total diellor që ndodhi të hënën. Ata e panë eklipsin nga një kënd tjetër teksa hija e Hënës lëvizte mbi sipërfaqen e planetit tonë.
Fenomeni zgjati më shumë se një orë. Sipas NASA-s, hija e eklipsit udhëtonte me 1100 mph në ekuator dhe deri në 5000 mph pranë poleve. Astronautët që jetojnë dhe punojnë në SNH rrotullohen rreth Tokës çdo 90 minuta, duke parë 16 lindje dhe perëndime të diellit në 24 orë dhe deri në 5 eklipse në vit.
Të hënën, astronautët jo vetëm që mund të shihnin eklipsin kur Hëna bllokoi dritën e Diellit, por edhe vetë hijen e Hënës poshtë në Tokë që dukej si një vrimë e zezë që lundronte.
SNH nuk ishte e vetmja që mundi të shijonte eklipsin diellor nga hapësira. Themeluesi i SpaceX, Elon Musk shpërndau një video (më poshtë), e cila është marrë nga një satelit Starlink në orbitën e ulët të Tokës. Videoja tregon hijen e Hënës teksa lëviz mbi planetin Tokë. LAPSI.al