Po bën xhiron e internetit… negativisht gjesti i Dani Lorenzo, futbollistit të Malaga (skuadër që luan në Division 3 spanjoll). Mesfushori 21-vjeçar u përjetësua nga kamerat e El Chiringuito TV teksa i shiste fanellën e tij një tifozi në qendrën stërvitore për 50 euro. Futbollisti u kritikua shumë në rrjetet sociale.
“Unë nuk jam milioner, do të doja të isha – u përpoq të justifikohej futbollisti i Malaga -. Ata na japin një numër të caktuar fanellash për t’i shpërndarë dhe unë tashmë e kam tejkaluar këtë, atëherë klubi na detyron të paguajmë për fanellat dhe u duk e natyrshme për mua që të pranoja paratë që më dhanë. E bëra me gjithë mirëbesimin e botës, por duke reflektuar besoj se nuk duhej ta kisha bërë. Shpresoj që njerëzit ta kuptojnë”. Por duke parë reagimet që gjesti i tij shkaktoi, duket pikërisht se njerëzit nuk e kanë kuptuar.
💰👕 ¡50 EUROS POR CAMISETA!
👀 Dani Lorenzo, jugador del Málaga, recibe dinero por regalar su camiseta… porque el club se la cobra.
📹 IMAGEN @elchiringuitotv. pic.twitter.com/yS4gADhvs8
— El Chiringuito TV (@elchiringuitotv) April 14, 2024