6 ditë pasi avokati Sokol Mëngjesi qëndroi në gjendje kome, pasditen e kësaj të hëne është transportuar drejt Athinës me kërkesë të familjarëve. Sipas raportimeve të mediave, Mëngjesi është transportuar me avion për mjekim në shtetin helen.
Avokati u vendos në gjendje gjumi nga mjketët pasi në datën 29 maj sapo la djalin në kopsht në zonën e ish-bllokut, 3 persona e sulmuan brutalisht duke i shkaktuar plagë të shumta.
Policia thotë pas ngjarjes ata u larguan me makinën e një personi të katërt. Njëri prej tyre është vetëdorëzuar ndërsa 3 janë në kërkim. Dorian Alia 32 vjeç ka pranuar se porositës i sulmit është Dritan Nano.
I riu ka pranuar se dhuna ka ardhur si paralajmërim që avokati 45-vjeçar të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit. ©LAPSI.al