• |
ide | kryesore

Nis nga e para procesi, prokuroria: Të merren me forcë Tom Doshi dhe Durim Bami në gjyq

Lajme, Të fundit
tom-doshi-mark-frroku.jpg

Prokuroria kërkoi thirrjen me forcë të Tom Doshit dhe Durim Bamit nëse nuk paraqiten në seancën gjyqësore, por gjykatësja ka rrëzuar kërkesën e prokurores. Ndërkohë për Mark Frrokun është konstatuar se ish deputeti nuk ka marrë fletë-thirrjen për gjyq, pasi është liruar me kusht nga burgu i Fierit.


Tom Doshi, ish-kolegu i tij Mark Frroku dhe Durim Bami akuzohen për kallëzim të rremë kryer në bashkëpunim. Sipas prokurorisë, të pandehurit në bashkëpunim me njëri-tjetrin krijuan prova të rreme me qëllim që ndaj të niste një hetim penal ndaj Ilir Metës (kryeparlamentar në kohën kur u regjistrua video).


Doshi pretendonte që Meta kishte urdhëruar vrasjen e tij bashkë me ish-deputetin e PD-së Mhill Fufi dhe se këtë gjë ia kishte rrëfyer miku i tij Mark Frroku, por prokuroria pas hetimeve arriti në konkluzionin se gjithçka ishte e sajuar dhe i mori të pandehur. Çështja e tyre kaloi në të gjitha gjykatat, nga ajo e Larta, në Kushtetuese, pastaj tek Krimet e Rënda e në fund u rikthye në Gjykatën e Tiranës.

1 Comment

Lini një Përgjigje

Adresa juaj email s’do të bëhet publike.

Kthehu