Disa fansa të Ariana Grande kanë gjetur një lidhje të fshehur me atentatin në Manchester në datën e publikimit të albumit të ri, “Thank U , Next”.
Disku do të dalë më 8 shkurt, ekzaktësisht 5 muaj e 22 ditë nga lançimi i të mëparshmit “Sweetener”. 5 dhe 22 mund të lexohen edhe si 22 maj, ose 5.22 siç i referohen amerikanët, datë në të cilën humbën jetën 22 persona në atentatin terrorist gjatë koncertit të Grande në “Manchester Arena”.
Nuk është hera e parë që në publikimet e këngëtares amerikane ka referime të fshehura për ditën e atentatit. Disa “Arianetors” gjetën një edhe në kohëzgjatjen e këngëve të albumit “Sweetener”.