Futbollisti i njohur, Kristiano Ronaldo ka blerë një apartament me vlerë plot 7.2 milion euro, një rekord për shitjen e pasurive të patundshme në qytetin e Lisbonës.
Blerja daton rreth një vit më parë, ndërsa shtëpia duket e mrekullueshme. E ndarë në dy katet e larta të një ndërtese luksoze të vendosur në Rua Castillho, apartamenti ka një sipërfaqe prej 288 metra katrorë dhe është vetëm 2 hapa larg lagjes ku u rrit ylli i Juventus.
Tre suita, dhoma e ndenjes, dhoma e ngrënies, banjë me sauna e xhakuzi, palestër, kinema janë vetëm disa nga komoditetet e apartamentit luksoz i cili, megjithatë, do të jetë i disponueshëm vetëm nga shkurti i 2021, pasi futbollisti kërkoi disa ndryshime që nuk ishin shumë të thjeshta për t’u bërë.