Dikush ka përfituar nga emri dhe fama e Nevina Shtyllës për të marrë produkte falas në shkëmbim të një “reklame” që në fakt s’do të bëhet kurrë. Nevina s’ka duruar gjatë dhe e ka treguar të gjithë skenarin e mashtrimit në rrjete sociale, duke rrëfyer se dikush me një numër fallco pretendon të jetë ajo.
“Bëni kujdes! Nëse ju ka kontaktuar ky numër bllokojeni, pasi nuk është i imi. Ka dalë një modë e re që kontaktohen biznese në emër të personazheve dhe u kërkohen produkte falas në këmbim të reklamës. Nuk jam unë emri i vetëm i cili është përdorur, ndaj bëni kujdes!”- shkruan moderatorja, e cila ka publikuar gjithashtu një bisedë.
