Theu rregullat anti Covid, policia ndërpret dasmën e motrës së Zayn Malik

y ditë më parë Gigi Hadid uroi publikisht kunatën e saj, motrën e Zayn Malik, Waliyha, e cila i dha fund beqarisë.

Modelja 25-vjeçare, e cila mirëpriti në jetë fëmijën e saj të parë me ish-yllin e One Direction në shtator, nuk mund të merrte pjesë në ceremoninë e martesës. Si ajo ashtu edhe Zayn humbën rastin për të marrë pjesë në dasmë për shkak të kufizimeve të koronavirusit.

Mirëpo, së fundmi mediat e huaja raportojnë se dasma e motrës së vogël të Zayn u ndalua nga policia për shkelje të rregullave të Covid-19 dhe familja e saj është gjobitur nga efektivët.Rreth 40 të ftuar morën pjesë në dasmë, e cila u zhvillua në shtëpinë e motrës së Zayn, Saffa në Bradford. Qyteti aktualisht është në fazën e 3 të masave anti-Covid, ku dasmat mund të zhvillohen me deri në 15 persona, por pritjet nuk lejohen.

Waliyha u martua me Junaid Khan, 24 vjeç, të shtunën në një ceremoni tradicionale islame në një xhami, e cila u pasua nga një pritje në të njëjtin vend.

Policia ndaloi ceremoninë rreth orës 18:00 pasi u thirrën nga fqinjët.

Në vitin 2017, kunati i Zayn, Khan, u burgos për pesë vjet për një aksident me makinën ndërsa në 2014 ai u dënua me 15 muaj burg.

Nëna e Zayn, u kujdes për të gjitha në ditën e madhe të vajzës së saj në mungesë të këngëtarit.