Në Kosovë janë shënuar 184 raste të reja me koronavirus këtë të enjte. Instituti Kombëtar i Shëndetësisë Publike njoftoi se në 24-orëshin paraprak, tre pacientë me koronavirus kanë humbur jetën. Rastet e vdekjes janë nga komunat: Ferizaj, Gjilan dhe Prishtinë. Bashkë me ta numri i përgjithshëm i viktimave nga koronavirusi në Kosovë shkon në 1,335.
Të shëruar janë 41,407 pacientë, 420 prej të cilëve në 24 orët e fundit. Raste aktive me koronavirus në Kosovë aktualisht janë 8,586.