Një aksident rrugor është regjistruar në orët e para të mëngjesit në Maminas të Shijakut. Shtetasi G. Gj., duke drejtuar mjetin tip “Volkswagen” është përplasur me një motomjet për invalidë që drejtohej nga shtetasi M. V. Si pasojë e përplasjes, ka mbetur i plagosur shtetasi M.V. i cili u dërgua në spital dhe ndodhet në kontrollin e mjekëve.
Drejtuesi i mjetit shtetasi G. Gj., është shoqëruar në ambientet e Policisë për të zbardhur dinamikën e aksidentit.