Jennifer Aniston pritet të nderohet nga miku i saj dhe aktori Steve Carell. Steve Carell to return alongside Jennifer Aniston & Reese Witherspoon to season 2 of The Morning Show | PINKVILLA Sipas PEOPLE aktorja do të marrë çmimin prestigjioz Sherry Lansing Leadership Award në galan e mëngjesit të The Hollywood Reporter’s Women in Entertainment më 8 dhjetor në Los Angeles.
Carell, do t’i dhurojë asaj çmimin që vlerëson artistët në argëtim dhe media.
Aniston, 52 vjeç, po i bashkohet radhës së disa yjeve të tjerë që kanë marrë çmimin si Oprah Winfrey, Meryl Streep, Reese Witherspoon, Shonda Rhimes, Barbra Streisand, Viola Davis, Jodie Foster dhe Barbara Walters.
“Jennifer ka shkëlqyer në televizion, film dhe prodhim; ajo është një udhëheqëse dinamike brenda industrisë së argëtimit dhe më gjerë. Përveç arritjeve të shumta në karrierë, ajo ka treguar gjithashtu bujarinë e saj me përpjekjet e saj filantropike,” tha Nekesa Mumbi Moody, drejtore editoriale. i The Hollywood Reporter.
“Këtë vit, ne jemi të emocionuar të nderojmë një grua kaq të mrekullueshme.”
Çmimi Lansing u emërua për nder të Sherry Lansing, gruaja e parë që drejtoi një studio, një ish-presidente e 20th Century Fox dhe kryetare/CEO e Paramount Pictures. Ajo është e njohur për prodhimin e filmave klasikë si Fatal Attraction dhe The Accused.