Një ngjarje e rëndë është shënuar gjatë natës në qytetin e Vlorës. Mësohet se një makinë tip “Audi” është shkrumbuar nga flakët brenda oborrit të shtëpisë së pronares. Ngjarja ka ndodhur rreth orës 03:20, në lagjen “24 Maji” ndërsa makina i përkiste 29-vjeçares me inicialet V. H.
Nga të dhënat e para, dyshohet se zjarri mund të ketë qenë i qëllimshëm. Grupi hetimor po punon për sqarimin e plotë të rrethanave të ngjarjes, si dhe për identifikimin dhe kapjen e autorëve.