Investcorp ka përfunduar studimin e duhur për Milanin dhe nuk duket se ka zbuluar ndonjë çështje kritike në llogaritë e klubit kuqezi. Kjo është ajo që MF-DowJones mëson nga burime që kanë njohje për faktet e të cilët specifikojnë se fondi arab, madje, ka vlerësuar punën e madhe të bërë në 4 vitet e fundit nga fondi Elliott. Në këtë pikë është vetëm çështje ditësh për firmën mbi kontratë që duhet të bëhet javën e ardhshme, ndërsa për sa i përket mbylljes së plotë të marrëveshjes, duhet pritur fundi i kampionatit, gjithashtu, për t’i dhënë kuqezinjve qetësinë e nevojshme për sprintin titull.
Gjithnjë, sipas agjencisë, dy ekipe janë duke punuar për fondin arab: një i dedikuar për vëzhgimin e llogarive dhe tjetri për hartimin e planit të biznesit. Qëllimi është ai i një projekti afatgjatë. Shuma e vendosur në ofertën e Investcorp për klubin e Milan është 1.18 miliardë euro.