Më 18 qershor, gjatë edicionit të 12 të ‘The Night of Kick and Punch’, modelja dhe aktorja italiane që prej vitesh ushtron artin marcial të stilit K-1 do të luftojë në distancën e tre raundeve kundër Rachele Muratorit, në brendësi të arenës Reggia di Venaria.
Me të brendshme, me kostum. E veshur për mbrëmje, me tuta, me një look casual për kohën e lirë. Canalis është shfaqur në të gjitha mënyrat e mundshme dhe të imagjinueshme, në mbi njëzet vjet karrierë, por akoma jo me doreza boksi. Një Elisabetta Canalis në këtë version, sigurisht e paparë, askush nuk mund ta priste vërtet. Ish-velina dhe e dashura e Christian Vierit dhe George Clooney së shpejti do të dalë në ring për herë të parë absolute. Ajo do të marrë pjesë në një ndeshje zyrtare të kikboksit, në moshën 43-vjeçare.
“Kikboksi për mua do të thotë ekuilibër, stabilitet – shpjegoi Elisabetta Canalis – dhe gjithashtu shumë djersë. Kam disa kohë që stërvitem vazhdimisht dhe e dua këtë disiplinë sepse kërkon, përveç përpjekjes fizike, shumë përqendrim te vetja dhe gjithashtu kundërshtari. Qendrueshmëria në punën e kombinuar në trup dhe mendje, që mund të jetë aleat por edhe kundërshtar në jetë dhe në ring, më ka lejuar ndër vite të përmirësoj stabilitetin tim të brendshëm. Mezi pres që të mbërrijë data 18, dhe të mund të luftoj”.
Në ring me të do të jetë një kundërshtare që ka gjysmën e moshës së saj. Ajo është një modele bolonjeze dhe quhet Rachele Muratori. Po, është e vërtetë, që është më e re, por faktikisht, për sa i përket vendosmërisë dhe këmbënguljes, Canalis nuk ka qenë kurrë e dytë ndaj askujt. E janë këto cilësi, në luftime, që bëjnë diferencën.
Rivalja e saj influencuese duket të jetë paksa e favorizuar nga pikëpamja teknike, por ish-showgirl do të jetë në gjendje sidoqoftë t’i japë vetes vlerë gjatë tre raundeve nga nëntëdhjetë sekonda secili. Fitorja në ring është objektivi i saj i ri dhe vështirë se do të “përkulet” ditën e debutimit të madh.
