Kryetari i Partisë Demokratike Sali Berisha bëri akuza të forta ndaj kryeministrit Edi Rama në një takim në përvjetorin e vrasjes së Azem Hajdarit. Berisha tha se Rama ka kthyer monizmin në vend pasi kontrollon të gjitha pushtetet.
“Tani ne jemi këtu dhe nëse do e titullonim këtë takim me shumë të drejtë mund ta quanim “Dhjetori në rrezik”, “’90 në rrezik”. Në fakt më shumë se në rrezik. Ronald Regan e ka thënë me gjenialitet se “demokracisë i duhet më pak se një gjeneratë për tu zhdukur”.
Ne ku jemi sot. Nuk do të bëj një analizë, por sot jemi në kushtet e një pushteti identik të një personi. Kemi rikthimin e monizmit absolut në Shqipëri. Cili është dallimi më themelor i monizmit absolut dhe një demokracie. Dallimi më themelor është se i pari nuk voton, i dyti voton. I pari nuk përfaqëson, i dyti përfaqëson.
Kjo që ka ndodhur është absolutisht një rikthim i monizmit të plotë. Natyrisht jo me burgje dhe kampe përqendrimi, por me të gjitha format e tjera të persekutimit” – tha Berisha që veçoi shembullin e mësueses që Rama e përmendi në kuvendin për arsimin.
“Sot ju e dëgjuat Edi Ramën tek tregonte me mburrje persekutimin e një mësueseje, se si ai dhe ministrja i kishin kontrolluar asaj Facebook.
Në vitin 1990 ka qenë një poet i ri që quhej, Lazer Stani, i cili ishte korrespondentë në gazetën “Zëri i Rinisë”. E hoqën sepse ai u fejua me Luljeta Leshanakun, e cila ishte një poete e talentuar edhe ajo, por që ishte mbesa e Abaz Kupit. Sa u diktua që Lazri u fejua e hoqën nga korrespondent.
A nuk bëri edhe ky të njëjtën gjë, pse ajo foli për qeverinë. Unë u dhashë një shembull, por shembull të tillë janë të pafundme” – tha Berisha. ©LAPSI.al
LEXO EDHE: Kërkimi/ Kush është mësuesja demokrate që Rama e përdori si simbol propagande
A ka ndonje lajm nga avokati frances per vjedhjet e Saliut.
U harrua fare francezi,
Aty te hani e keni pak.
të gjithë ata politikanë, që do ta marrin mundimin sot të vizitojnë banesën e Azem Hajdarit, taksirat e kanë të ngjiten edhe nja 70-80 metra më lartë, ku ndodhet banesa e Kosta Trebickës.
Deshmitari kyç i skandalit të Gërdecit, njeriu që denoncoi korrupsionin qeveritar. Që tregoi lidhjen kriminale të qeverisë Berisha, familjes së tij, institucioneve shtetërore dhe një grupi biznesmenësh klientë të preferuar.