Një finale ndeshje shumë e acaruar mes Fiorentinës dhe Interit, në fushë por edhe jashtë saj. Agjensia e lajmeve ANSA citon burime pranë klubit zikaltër, sipas të cilave pas golit të 4-3, drejtuesit e Inter janë sulmuar verbalisht në tribunat e Franchi. Jo vetëm kaq: presidenti i Fiorentinës Rocco Commisso është vërsulur pas derës së dhomave të zhveshjes të Interit, duke e goditur me grushte. Situatë e mohuar kategorikisht nga Fiorentina me një shënim: Commisso zbriti në dhomat e zhveshjes viola vetëm për të uruar ekipin dhe pret një falje zyrtare nga zikaltrit.
Lexo më tej: Video/ Çmenduri në Franchi: Fiorentina barazon në të 90′, Mkhitaryan i jep fitoren Inter në të 95′
FIORENTINA: “PRESIM NDJESËN E INTER”
“ACF Fiorentina mohon kategorikisht të gjithë zërat që i atribuojnë Presidentit Commisso ose drejtuesve të tjerë viola sjellje të dhunshme. Presidenti Commisso në fund të ndeshjes thjesht zbriti brenda dhomave të zhveshjes së Fiorentinës. Ai donte të uronte trajnerin dhe djemtë për paraqitjen e shkëlqyer. Presidenti Rocco Commisso pret një falje zyrtare nga Interi dhe presidenti i tij Steven Zhang. Si dhe nga ata që përhapën këto lajme të rreme, duke rikthyer sa më shpejt të vërtetën”.
Smentita ACF Fiorentina https://t.co/12fblFKKXG
— ACF Fiorentina (@acffiorentina) October 22, 2022