Benfica-Juve, një ndeshje ndoshta vendimtare për fatin e dy skuadrave në Champions League, do të luhet pa Goal Line Technology. Këtë e ka bërë të ditur Gazzetta.it, e cila raporton gjithashtu se UEFA ka sqaruar se ishte një problem teknik dhe se ka ndodhur edhe herë të tjera. Arbitri, serb Jovanoviç, do të duhet të bëjë pa orën e Goal Line Technology që paralajmëron gjyqtarin kur topi kalon vijën e portës. Sistemi i përdorur nga UEFA është ai Hawk-Eye, i cili përdor shtatë telekamera me një softuer kontrolli. E kjo saktësi e madhe e Goal Line Technology, në rastin e një goli, do të mungojë në Da Luz. Në rrjetet sociale disa tifozë të Juventusit përpiqen ta interpretojnë si shenjë fati, duke kujtuar golin e famshëm/jo gol të Muntarit.
Për të marrë më të mirën nga Benfica, bardhezinjtë do të mbështeten në mirëkuptimin e Kostic dhe Vlahovic. Pa harruar formën e mirë të Rabiot. Në ndeshjen e parë, pas një fillimi të shkëlqyer dhe golit të Milik, Juve u fik shumë shpejt derisa u përmbys. Sot skuadra duket më solide, e bindur dhe kompakte në përpjekjen për të pushtuar da Luz. Nis nga 3-5-2, gati për t’u shndërruar në 4-4-2 falë pozicioneve të Danilo dhe Alex Sandro, të cilët sollën sukseset në derbi dhe ndaj Empolit. Bonucci është gati, si Locatelli dhe McKennie.
Juve në raundin e dytë nëse…
Pas humbjes poshtëruese ndaj Maccabi Haifa, bardhezinjtë kanë vetëm tre pikë (njëlloj si izraelitët) pas katër ndeshjesh. Diferenca me Psg dhe Benfica, të dyja kryesuese në Grupin H, është 5 pikë. Mundësia për të vazhduar garën është vetëm një. Të fitojë dy ndeshjet e ardhshme, jashtë me Benfica dhe në shtëpi kundër PSG-së. Por në këtë rast duhet të shpresojë që të paktën një mes Benfica dhe PSG të mos shkojë përtej barazimit kundër Maccabi Haifas. Kështu që në fund do të shihet diferenca e golave. Allegri mund të fillojë vetëm të lutet. Vetëm 7% e skuadrave janë kualifikuar në raundin e dytë me 9 pikë që kur ekziston kjo formulë.