Ronaldinho bëri debutimin e tij në Kings League dhe rikthimi i tij në fushë pasti shikues rekord në Twitch. Ronaldinho është kthyer në fushën e futbollit, ose pothuajse. Fenomeni brazilian debutoi në Kings League të themeluar nga Gerard Pique. Ai hyri në lojë 5 minuta pas fillimit të ndeshjes mes Porcinos FC dhe PIO FC. Me 10-ën klasike në shpatulla, shiritin e kapitenit dhe rrethin në kokë, emocionet e tifozëve ishin të mëdha.
Por edhe zhgënjimi i spektatorëve duhet të ketë qenë në të njëjtin nivel. Dinho nuk u shfaq asnjëherë i rrezikshëm, mbeti jashtë lojës dhe forma e tij nuk ishte aspak optimale. Episodi më i rëndësishëm i ndeshjes së brazilianit ishte debati me arbitrin. Ai u përpoq t’i shpjegonte rregullat e një kundër një, ndërsa Ronaldinho refuzoi të bënte atë që iu tha: “Nuk kam ndërmend të vrapoj. Lëre ta bëjë dikush tjetër”.
Ronaldinho disse ao árbitro que não queria marcar os penáltis na Kings League
“Ah, vamos pôr outro. Eu não vou estar a correr, estás louco?” 😂pic.twitter.com/6q8jdpL7zi
— Cabine Desportiva (@CabineSport) February 27, 2023
REKORDI I SPEKTATORËVE
Për pjesën tjetër, rikthimi në fushë i Topit të Artë 1999 shënoi rekordin e spektatorëve që u lidhën me Twitch për të ndjekur ndeshjen drejtpërdrejt. Sipas të dhënave të siguruara, 2,120,962 njerëz ishin lidhur për të ndjekur debutimin e Ronaldinho. Që nga momenti kur ai mbërriti me një limuzinë rozë deri në fund të ndeshjes së tij. Numra të ngjashëm në Kings League u panë në debutimin e misteriozit Enigma 69 dhe në kohën e heqjes së maskës së Kun Agueros si Joker. Dritë-hije për rikthimin e kampionit brazilian, i cili duhet të rifitojë formën e tij fizike para se të rikthehet për t’u dukur në fushat e futbollit.
HISTORIA DE LA KINGS LEAGUE
DEBUTA RONALDINHO pic.twitter.com/cmMmH6kFD4
— Mateu Padremany Font (@MPadremanyFont) February 26, 2023