Një tjetër zhgënjim në Champions League për Paris Saint-Germain, që ka gjeneruar kritika të ashpra. Bujë në veçanti shkaktoi performanca e Marco Verratti. Mesfushori italian sigurisht që nuk luajti ndeshjen e tij më të mirë në karrierë kundër Bayern Munich.
Italianit iu vodh topi në rastin e golit të parë të gjermanëve, që siguruan kështu kalimin në raundin tjetër. Verratti kundër bavarezëve gaboi në fakt gjithcka e jo vetëm në atë rast. E kështu, Daniel Riolo në RMC Sport, u shpreh në mënyrë të vendosur negativisht ndaj tij. Gazetari në fakt e kishte në përgjithësi ndaj të gjithë PSG-së, që e cilësoi si “turpi i Evropës”.
“Kur je tifoz i PSG-së, është e drejtë në këto momente të flasësh dhe të thuash gjëra. Edhe të shpërthesh në një moment të caktuar. Duhet të tregosh gjithçka. Tani ky klub është bërë turpi i Evropës”, tha gazetari.
Fjali edhe më të këqija për Verratti: “Duhet ta kthejmë te Pescara, që të hajë qebapët e tij, të ecë buzë detit, të pijë gotat e tij, të pijë cigare. Këtë e them prej vitesh. Nuk e di edhe nëse ai mund të jetë titullar në ekipin e djalit tim. Unë mendoj se ai është një lojtar rruge”.
💥 @DanielRiolo : "Verratti tu le renvoies à Pescara, il pourra aller faire un Urban avec ses potes comme ça. C'EST UN JOUEUR D'URBAN ! Ça fait des années que je vous le dis. Je ne sais même pas s'il est titulaire dans l'équipe de mon fils !" #rmclive pic.twitter.com/Gi86NlkQoP
— After Foot RMC (@AfterRMC) March 8, 2023