Felipe Melo si Moise Kean, në fakt… më keq. Ashtu si sulmuesi i Juventusit ndaj Romës, edhe ish-mesfushori i bardhezinjve u përjashtua sot te Fluminense. Ndeshja e brazilianit zgjati më pak se një minutë pasi u fut në fushë. Vetëm se Felipe Melo doli nga fusha ende pa prekur asnjë top. “Sa herë që bëj diçka, duket gjithnjë sikur shpërthen bomba, jam mësuar”, tha pas ndeshjes Felipe Melo. Braziliani nuk ngurroi asnjë moment të hidhej në mes të sherrit që shpërtheu në minutën e 88′. E gjitha për shkak të një faulli të Gerson, të Flamengo, ndaj Giovanni.
Pas ndërhyrjes së ish-lojtarit të Romës, shpirtrat në fushë u nxehën shumë. U krijua një rrëmujë që zgjati disa minuta dhe në fund arbitri Grazianni Maciel Rocha, nxorri tre kartonë të verdhë dhe një të kuq, pikërisht ndaj Melo. Mesfushori kishte zëvendësuar gjermanin Cano vetëm disa sekonda më parë dhe doli nga fusha duke sharë arbitrin.
Os minutos finais do clássico entre Flamengo e Fluminense foram tensos! Muita confusão, empurra empurra e até EXPULSÃO de Felipe Melo! Veja: #Cariocão2023 pic.twitter.com/yj4VrC0CUZ
— TNT Sports BR (@TNTSportsBR) March 9, 2023
“Është e vërtetë, ndërhyra edhe unë dhe shtyva një kundërshtar, por nuk ia vlente për një karton të kuq”, ka komentuar Felipe Melo. Mesfushori u kthye në fushë pas bilbilit të trefishtë për të festuar me shokët e skuadrës triumfin në kampionatin Carioca. Ky është titulli i dytë radhazi (Fluminense arriti të mbrojë rezultatin 2-1, pavarësisht inferioritetit numerik).