Bota e atletikës është tronditur nga një humbje e papritur. Sprinterja amerikane Tori Bowie, është ndarë nga jeta në moshën 32-vjeçare. Në Rio 206 ajo u shpall nënkampione olimpike në 100 metra e mori edhe medaljen e bronztë në 200 metra. Boëie ishte dy herë fituese e medaljes së artë në stafetë në Olimpiadë dhe në Kampionatin Botëror 2017, ku u shpall edhe kampione bote në 100 metra. Shkaqet e vdekjes së sprinteres ende nuk janë sqaruar. Sipas asaj që u mësua nga mediat amerikan, Tori Bowie u gjet e pajetë në shtëpinë e saj në Florida.
“Jemi të shkatërruar që duhet të ndajmë lajmin e trishtuar për vdekjen e Tori Bowie – nënvizoi agjencia e saj Icon Management -. Kemi humbur një klient, një mike të dashur, një vajzë dhe një motër. Tori ishte një kampione, një fener drite që shkëlqeu kaq shumë”.
Lexo më tej: Video/ Skenë prekëse në Botërorin e atletikës: heq dorë nga gara për të ndihmuar atletin e rraskapitur
Menjëherë pas shpërndarjes së lajmit të hidhur ka reaguar edhe atletja tjetër amerikane, që në Rio 2016 mori medaljen e bronxtë, pas Bowie: “Më thyhet zemra për familjen e Tori. Një rivale burim drite. Energjia dhe buzëqeshja jote do të jenë gjithmonë me mua,” shkroi Shelly-Ann Fraser-Pryce.