Jennie Kim e Blackpink kërkoi së fundmi falje pasi u largua nga skena në mes të performancës të dielën në Rod Laver Arena në Melburn, Australi.
“Melbourne Blinks,” filloi Jennie në postimin e saj në Instagram Story. “Më vjen shumë keq që nuk munda ta përfundoj shfaqjen të dielën. Po bëj çmos që të rikuperohem. Mbështetja juaj do të thotë shumëpër mua. Faleminderit të gjithëve që erdhën në shfaqjen në Melbourne.”
Të hënën, kompania menaxhuese e grupit, YG Entertainment, lëshoi një deklaratë për gjendjen e këngëtares pas koncertit. “Me keqardhje ju informojmë se gjatë performancës së Blackpink World Tour në Melbourne më 11 qershor (sot), Jennie nuk ishte në gjendje të përfundonte skenën për shkak të gjendjes së saj të përkeqësuar”, thuhet në një deklaratë nga kompania në Weverse. “Jennie shprehu vendosmërinë e saj të fortë për të vazhduar me performancën deri në fund.”
Deklarata vazhdoi: “Megjithatë, pas këshillave mjekësore në vendngjarje, ne morëm menjëherë masa për t’u siguruar që ajo të marrë pushim të mjaftueshëm. Jennie ka përcjellë keqardhjen e saj që nuk mundi të qëndrojë me fansat deri në fund. Ne do të bëjmë çmos për të mbështetur shërimin e shpejtë të Jennie. Ne dëshirojmë të kërkojmë mirëkuptimin tuaj edhe një herë. Faleminderit.”/Lapsi.al