Lewis Capaldi pëson një krizë në skenë

Vitin e kaluar këngëtari Lewis Capaldi njoftoi se vuan nga sindroma Tourette. Është një çrregullim neurologjik që shkakton tike, si dhe sulme ankthi, depresion dhe kriza nervore.

Ai donte ta ndante këtë me të gjithë ndjekësit e tij sepse e dinte se në një moment do të përjetonte një nga këto sulme gjatë një shfaqjeje live dhe preferoi të shmangte çdo lloj spekulimi. “Unë jam tashmë një person me ankth”, tha ai në atë kohë. Së fundmi, artisti performoi në festivalin Glastonbury. Kënga e tij “Someone You Loved” është një nga më të njohurat e tij dhe teksa ishte duke e performuar, pati një nga këto sulme.

Capaldi mezi këndonte, por fansat e tij iu bashkuan, duke krijuar një nga videot më emocionuese të kohëve të fundit. Pak javë më parë, pak para këtij festivali, që dukej se do të thoshte shumë për të, këngëtari vendosi se ishte koha për të pushuar.

“Më duhet të marr një moment për të pushuar dhe rikuperuar, për të qenë në maksimumin tim dhe gati për Glastonbury dhe të gjitha shfaqjet e tjera të pabesueshme që do të vijnë, në mënyrë që të jem në gjendje të vazhdoj të bëj atë që dua për një kohë të gjatë.” vuri në dukje Lewis. “Dua të kaloj pak kohë me familjen dhe miqtë e mi dhe të bëj gjëra normale të jetës që janë një pjesë e rëndësishme. Shpresoj që të gjithë ta kuptojnë”./Lapsi.al

Marrë nga: Marca