Toronto “i italianëve” është në një krizë të thellë. Klubi, me gjithë ndryshimin e trajnerit, nuk po arrin dot në asnjë mënyrë të ndërrojë marsh. E kështu, një sezon që nisi keq po vazhdon, nëse është e mundur, edhe më keq. Në orët e fundit është përfolur shumë për mundësinë që dy kampionët e Europës me Italinë Insigne dhe Bernardeschi të ndryshojnë ajër në këtë seancë të merkatos. Ish-napolitani, i dëmtuar sërish, duket se dëshiron të kthehet në Europë. Ish-juvenini është bërë protagonist negativ i ‘ndeshjes së fundit të humbur nga kanadezët ndaj Orlando City.
Federico Bernardeschi ishte një nga të parët që kërkoi shkarkimin e ish-trajnerit Bob Bradley. Por pavarësisht ndryshimit në pankinë, gjërat te Toronto mbetën njëlloj. Në dy ndeshjet e fundit me trajnerin e ri Dunfield në krye, kanë ardhur dy humbje të tjera. E fundit, ndaj Orlando City, ishte një 4-0 që nuk jep shpresë. E pikërisht në ndeshjen ndaj skuadrës nga Florida, ish-lojtari i Fiorentinës dhe Juventus u bë protagonist negativ. Bernardeschi ishte autori i një gjesti të keq që i kushtoi kartonin e kuq.
Në minutën e 63 kanadezët ishin tashmë nën dy gola. Bernardeschi, me topin larg, ka pasur një sherr verbal me kundërshtarin. Italiani nuk u mjaftua me kaq por i dha atij një goditje të supozuar me kokë. Pamjet, në fakt, nuk e qartësojnë intensitetin e gjestit të mesfushorit italian. Megjithatë, arbitri i ndeshjes nuk kishte dyshime dhe tregoi kartonin e dytë të verdhë ndaj lojtarit. Bernardeschi ishte ndëshkuar me karton të verdhë edhe në fillimin e pjesës së dytë. Një sjellje edhe më e rëndë po të konsiderosh se kampioni i Europës 2021 mbante shiritin e kapitenit. E Toronto vazhdon të fundoset…
Federico Bernardeschi red card against Orlando City. Toronto FC down 2-0.
Likely on their way to their fourth straight loss, if result holds. Would be one win in their last 12 matches. pic.twitter.com/5wDUiUnNEP
— Tom Bogert (@tombogert) July 5, 2023