Djemtë e McLaren ia vështirësuan jetën në sulmin final, por Max Verstappen nuk dështoi të merrte pole position në Çmimin e Madh të Britanisë. 1 minutë, 26 sekonda e 720 të mijëtat për holandezin, që në sekondën e fundit mundi Lando Norris me 241 mijëshe dhe Oscar Piastri me 372. Ferrari duhet të kënaqet me kohën e katërt dhe të pestë të Charles Leclerc dhe Carlos Sainz. Dy pilotët ishin respektivisht në 416 dhe 428 të mijëta nga Verstappen.
Gjithësesi, performanca të cilat autorizojnë skuderinë nga Maranello të shkojnë në kërkim të podiumit në raundin e dhjetë të Kampionatit Botëror. Kualifikueset për garën e të dielës u zhvilluan në një alternim shiu dhe periudhash me diell, me mbylljen krejtësisht në të thatë.
Për kokëkuqet, kualifikueset nuk ishin veçanërisht të shkëlqyera dhe shpresat u venitën nga rritja e performancës së McLaren. Britanikët më në fund, në agimin e GP së 10 të Kampionatit Botëror, gjetën një mënyrë për të festuar gjashtëdhjetëvjetorin e team Woking, pas paraqitjes së mirë të disa ditëve më parë në Spielberg.
Lexo më tej: Zyrtare/ Ndryshon fundjava e GP në F1 me Sprint Race: nis gjithçka nga gara në Baku
Disa shenja nervozizmi, duke u kthyer te Reds, vijnë nga intoleranca e Sainz për t’i hapur rrugë Leclerc, kur piloti nga principata po dilte nga pit lane. E, gjithashtu, nga ironia e këtij të fundit kur spanjolli e parakaloi nga jashtë për të fituar një “track position” më të avancuar në momentin e nisjes në finalen konvulsive të Q2.