Jennifer Lopez ka bërë së fundmi një dedikim për Ben Affleck me rastin e ditëlindjes së tij.
Të martën, Lopez ndau një video të çiftit duke kënduar së bashku këngën e dashurisë të Sam Cooke “(What A) Wonderful World” e vitit 1960 në Instagram për të festuar ditëlindjen e 51-të. “I dashur Ben… Gëzuar ditëlindjen. Të dua!” Lopez shkroi në mbishkrimin e postimit, i cili tregonte bashkëshortin e saj duke vozitur ndërsa ajo ishte ulur në sediljen e pasagjerit me flokët që i frynin nga era.
Ka qenë një verë festive për Lopez dhe Affleck, të cilët shënuan përvjetorin e tyre të parë të martesës më 16 korrik dhe festuan së bashku 54-vjetorin e artistes më 24 korrik. “Faleminderit të gjithëve për urimet. Ja një vështrim në festën time,” shkroi Lopez së fundmi në buletinin e saj On the JLo teksa ndau foto me Affleck nga festa “Ben organizoi një festënë shtëpinë tonë të re me familjen dhe miqtë tanë më të afërt. Të gjithë fëmijët ishin aty, ishte një ditë e mrekullueshme plot diell dhe e përkryer për një festë në pishinë!!”
“U ndjeva kaq e vlerësuar dhe e pranuar nga të dashurit e mi, dhe jam jashtëzakonisht mirënjohëse që jam këtu ku jam sot, në këtë pikë të rrugëtimit të jetës sime me kaq shumë njerëz të bukur dhe të kujdesshëm me të cilët mund t’i ndaj të gjitha”, vazhdoi ajo. “Ju uroj të gjithëve të njëjtën dashuri dhe lumturi në ditëlindjen tuaj dhe gjithmonë!!!”
Aktorët u panë teksa mbërritën në Giorgio Baldi në Santa Monica, për të festuar përvjetorin e martesës së tyre më 16 korrik. Atë javë, Jennifer ngacmoi këngën e saj të re “Midnight Trip to Vegas” në Instagram dhe zbuloi një pjesë te teksit. Kënga flet për dasmën e çiftit në Las Vegas.