Gëzimi i madh u pasua nga një dramë e fortë familjare. Olga Carmona shënoi golin vendimtar në fitoren 1-0 të Spanjës në Kupën e Botës kundër Anglisë. Lumturia e madhe mori goditjen pas ndeshjes, kur mësoi se babai i saj ishte ndarë nga jeta. Një dramë e vërtetë për futbollisten, në momentin më të lumtur të karrierës së saj. Futbollistja e Real Madrid ka kaluar nga lotët e gëzimit, në ato të hidhërimit për të atin, vdekja e të cilit duhet të ketë qenë e papritur.
Lajmin e bëri të ditur Federata Iberike e Futbollit, e cila nuk ka zbuluar shkaqet apo kohën e vdekjes së të atit të futbollistes. “Të duam Olga – shkruan federata në Twitter – Ti je pjesë e historisë së futbollit spanjoll”.
Lexo më tej: Carmona ngjit Spanjën në çatinë e botës: thyhet Anglia, Wiegman nuk bën më mirë se Southgate
Nuk është në fakt e qartë se kur e ka marrë lajmin e hidhur lojtarja e Real Madrid. Lojtarja u pa të merrte pjesë në festimet në fushë, bashkë me shoqet e skuadrës së saj. Carmona u votua si lojtarja e ndeshjes në finale dhe e festoi golin e saj me një dedikim për një mikeshë që së fundmi kishte humbur nënën e saj.
⚫️ PÉSAME | La @RFEF lamenta profundamente comunicar el fallecimiento del padre de Olga Carmona. La futbolista ha conocido la triste noticia una vez concluida la final de la Copa del Mundo.
Mandamos nuestro abrazo más sincero a Olga y a su familia en un momento de profundo… pic.twitter.com/BSe2XmUrVF
— RFEF (@rfef) August 20, 2023