Skena të pabesueshme vijnë nga Meksika, ku po luhej ndeshja mes vendasve të Alebrijes dhe Dorados. Ajo në Estadio Tecnológico de Oaxaca, ishte ndeshje e vlefshme për javën e 11 të Liga de Expansion, ekuivalenti i Kategorisë së dytë. Në fillim të kohës shtesë, me rezultatin 4-0, një qen u shfaq nga hiçi dhe pushtoi fushën. Qeni mori topin dhe, duke bërë një driblim të denjë për Leo Messi, askush nuk mund ta kapte!
NË MEKSIKË QENI RRËMBEN TOPIN NË NDESHJE
Sapo kishte trokitur minuta e 90′, kur papritur një qen u shfaq në fushë, i ndjekur në mënyrë të ngathët nga një stjuard. Qeni u drejtua nga portieri që sapo kishte kapur topin në duar. Portieri, i mbajtur nën vëzhgim nga afër nga qeni, u përpoq t’i jepte topin arbitrit, por topi u kap nga kafsha. Qeni e mbajti mes dhëmbëve dhe i lumtur filloi të vraponte në fushë.
Që nga ai moment filloi një ndjekje gazmore, me kafshën që po ikte dhe stjuardët dhe lojtarët përpiqeshin më kot ta ndalonin për të rimarrë topin. Komentatorët meksikanë u argëtuan, duke thënë: “Askush nuk mund ta ndalojë atë! Le të ndërhyjë Cannavaro!”. Publiku entuziast në tribuna, shoqëronte me “ole” lëvizjet falë të cilave qeni arriti t’u shmangej tentativave të ndjekësve të tij. Në fund, i lodhur nga vrapimi i gjatë, ai ngadalësoi shpejtësinë. Qeni u kap nga një prej lojtarëve në fushë dhe më pas u nxor jashtë nga stjuardët. Por gjithmonë me topin në gojë.
🐶 Liga MX'te Alebrijes de Oaxaca ile Dorados de Sinaloa'nın mücadele ettiği karşılaşmanın son dakikalarında sahaya köpek girdi.
❤ Sahaya giren köpek kalecinin topu boşa bırakmasıyla hünerlerini sergiledipic.twitter.com/TYPHdfrZVv
— golvarmi.com (@golvarmi) September 28, 2023