Super League, formati që luftoi kaq shumë në vitet e fundit, duket se është zgjidhja edhe për UEFA. Institucioni që qeveris futbollin po mendon të revolucionarizojë tre kompeticionet e saj evropiane. Lajmin e bujshëm e ka bërë të ditur El Pais. Ceferin synon të ngrejë një turne krejtësisht të ri, me tre liga nga 18 ekipe secila, me sistem promovimi dhe rënie. Diçka e frymëzuar nga Liga aktuale e Kombeve. Një lloj kampionati europian me shumë ndeshje të tjera në kalendar, që padyshim që do t’i ‘errësojë’ ndeshjet kombëtare.
Në mënyrë të detajuar, do të ketë dy rënie mes serisë së parë dhe të dytë. Ndërsa promovimet dhe rëniet në dy të tjerat do të rriteshin në katër. Projekti do të nisë në vitin 2027 dhe për këtë arsye do të shihte eliminimin total të Champions League, Europa League e Conference League. Megjithatë, mbetet për t’u kuptuar se cilat do të jenë kriteret e pranimit për turneun, i cili tashmë po shkakton diskutim. Në kalendar, padyshim që do të rritej numri i ndeshjeve me protagonistë klubet e mëdha dhe për rrjedhojë edhe spektakli. Ata që nuk do të gëzoheshin do të jenë trajnerët që tani të bezdisur nga angazhimet e shumta.
Lexo më tej: E bujshme, Armand Duka zgjidhet në postin e zv.Presidentit të UEFA-s
MENDIMI I ABODI: “MIRË SE TË VIJË”
Andrea Abodi, Ministri i Sportit, komentoi pozitivisht idenë e drejtuesve të futbollit evropian: “Një Super League e organizuar nga UEFA do të ishte një Champions e përmirësuar. Pra, mirë se të vijë”.