Barcelona siguroi 3 pikë jashtëzakonisht të vështira në ndeshjen kundër Portos të mërkurën mbrëma. Me këtë fitoren 0-1, katalanasit kanë tashmë 6 pikë në krye të grupit të tyre. Ai që tërhoqi vëmendjen është i riu Lamine Yamal që e nisi ndeshjen për herë të parë si titullar në këtë kompeticion.
Zyrtarisht, ai luajti 80 minuta edhe pse u largua nga fusha në minutën e 71-të dhe çuditërisht nuk u kthye më. Sipas gazetës “Mundo Deportivo”, Yamal i duhej të përdorte tualetin gjatë pjesës së dytë dhe shfrytëzoi rastin të largohej nga fusha gjatë një pushimi në lojë.
Megjithatë, ai qëndroi jashtë për 9 minuta dhe gjatë asaj kohe Barcelona po luante me 10 lojtarë. Trajneri Xavi Hernandez konfirmoi më vonë se 16-vjeçari kishte pasur një problem me stomakun ndaj ai e zëvendësoi me Marcos Alonson.
Më vonë Barcelona mbeti sërish me 10 lojtarë pasi Gavi u përjashtua me karton të kuq në kohën shtesë. Lamine Yamal ishte me fat që mungesa e tij nuk ndikoi shumë negativisht tek skuadra e tij. Gjëja kryesore për katalanasit është se ata morën fitoren e radhës. ©LAPSI.al
https://twitter.com/barcacentre/status/1709676136429432915?ref_src=twsrc%5Etfw%7Ctwcamp%5Etweetembed%7Ctwterm%5E1709676136429432915%7Ctwgr%5Ecb68a79e0102738a54ba1254c8f108ebec976216%7Ctwcon%5Es1_c10&ref_url=https%3A%2F%2Ftelegrafi.com%2Farsyeja-e-cuditshme-pse-lamine-yamal-u-zhduk-per-nente-minuta-ne-ndeshjen-porto-barcelona%2F