Sulmuesi i Torinos, Antonio Sanabria ishte protagonist i një episodi të pakëndshëm. Gjithcka ndodhi gjatë ndeshjes mes Paraguajit dhe Argjentinës, e vlefshme për kualifikueset e Botërorit. Futbollisti paraguaian, i cili hyri në vend të Adam Bareiros, u grind me Lionel Messi. E, sikur të mos mjaftonte, e pështyu kur kapiteni argjentinas i ktheu shpinën. Edhe pse ylli i Inter Miami nuk e kishte vënë re në atë moment.
Lexo më tej: Messi, nga vendet në tavolinë te këpucët. Zakonet maniakale që nuk i dinit për ‘Pulga’
Pasi mbaroi ndeshja, Pleshti u njoftua për gjestin e pakëndshëm të kolegut të tij dhe komentoi për shtypin argjentinas: “E vërteta është që nuk e pashë. Në dhomat e zhveshjes më thanë se njëri prej tyre më kishte pështyrë. E vërteta është se unë as nuk e di kush është ky djalë, as nuk dua t’i jap ndonjë rëndësi.” Nga ana e tij, Sanabria u përgjigj duke pohuar se “këto janë çështje në terren. Asgjë nuk ndodhi, kur pështyva ai ishte tashmë shumë larg”.
Incident of Sanabria spitting with Lionel Messi in front of him.pic.twitter.com/jh0fd2WOFS https://t.co/kDePS0f1fU
— Roy Nemer (@RoyNemer) October 13, 2023