Qeveria ka rritur financimet nga transferta e pakushtëzuar ndaj bashkive në vitin 2024, por për disa bashkia ku niveli i jetesës është mbi mesataren kombëtare ka më shumë rritje të financimeve se për bashkitë e varfra të vendit si Puka, Kukësi, Bulqiza, Shkodra etj.
Të dhënat zyrtare që shoqërojnë projektbuxhetin e vitit 2024 tregojnë se transferta e pakushtëzuar ndaj bashkive do të jetë mbi 35 miliardë lekë vitin që vjen më një rritje rreth 16 për qind në krahasim me buxhetin fillestar 2023.
Të dhënat krahasimore tregojnë se rritjen më të madhe të fondeve e ka bashkia e Vorës e cila do të ketë transferime nga buxheti i shtetit 20 për qind më shumë se në vitin aktual. Më pas vjen Bashkia e Tiranës e cila do financohet nga buxheti i shtetit nga taksat e përgjithshme me 5,1 miliardë lekë me rritje vjetore 19.5 për qind.
Bashkia e Tiranës ka të ardhura dhe shpenzime për frymë mbi mesataren kombëtare dhe është bashkia me kapacitetet më të larta të buxhetimit me të ardhurat e veta. Më tej rritje mbi mesataren e përgjithshme me fonde e kanë Bashkitë e Këlcyrës, Delvinës, Pustecit, Patosit, Peqinit, Dropullit, Roskovecit ku rritja vjetore është mbi 17 për qind.
Nga ana tjetër, bashkitë e Kolonjës, Gjirokastrës, Bulqizës, Durrësit, Sarandës, Kukësit, Skraparit, Pukës etj, kanë rritje të fondeve me 14.5 për qind. Ndarja e transfertës së pakushtëzuar të qeverisë ndaj bashkive tregon se ka rritje më të madhe ndaj bashkive që kanë shpenzime më të larta për frymë.
Përgjatë dekadës së fundit teksa ekonomia e vendit është rritur, ekonomia e Kukësit ka pësuar rënie. Logjikisht qarku më i varfër në vend që është përfshirë vitet e fundit nga një valë e madhe emigracioni drejt Britanisë së Madhe duhet të kishte një mbështetje më të madhe të vendit.
Gjatë vitit 2024, pushteti vendor do të përfitojë në total rreth 36.5 miliard lekë në formën e transfertave, nga të cilat rreth 24.3 miliardë lekë ose 66% është transfertë e pakushtëzuar e përgjithshme dhe 10.7 miliardë lekë ose 29% është në formën e transfertës së pakushtëzuar sektoriale për financimin e funksioneve të transferuara në nivel vendor dhe 1.5 miliardë lekë ose 5% në formën e transfertës sektoriale për rritjen e pagave.
Shpenzimet e buxhetit vendor për vitin 2024, janë parashikuar në masën 71.1 miliardë lekë ose 3% e PBB-së. Buxheti vendor për vitin 2024 krahasuar me buxhetin vendor 2023, parashikohet me një rritje me rreth 6.7 miliard lekë.
Në këtë zë është përllogaritur transferta e pakushtëzuar e përgjithshme për njësitë e vetëqeverisjes vendore, financimi i funksioneve të reja, financimi i shtesës për të mbuluar një pjesë të efektit financiar të rritjes së pagave si dhe të ardhurat nga taksat dhe tarifat vendore./Monitor
artikull vetem percares e qe tenton te shtoje ndasine ne Shqiperi
Eshte e qarte qe edi rama kerkon ti lej pa investime dhe pa progres bashkite e veriut. Doni me arsye per tu bashkuar me revolucionin o dele???????
Ne qofte se Enver Milladini , Veriun e Shqiperise e nenshtroi me dhune e terror , Rama po e gjunjezon Veriun me sanksione financiare .
Pra qellimi eshte i njejte , vetem metodat ndryshojn .
Lapsi nje media e lire deri kur rublat ruse mos te vijne ne llogari te lapsit.gjykata e strazburgut ka dhene vendim per Aleks Niken dhe shkeljet nga qeveria e serbit salih karaxhic berisha,te gjitha mediat e kane pasqyruar vetem lapsi dhe syri i salihut nuk e botojne.O laperi e monitorit shko ne veri te kuptosh investimet qe jane bere ne veri nga zyra ku ti qendron nuk e shikon
Si politikan ai e ka mbaruar ciklin e tij me kohë. Shpartalloj partinë për interesa personale, ose do më ruani mua thotë ose do bëheni të gjithë si unë. Ai ka 33 e vite që shinë si ti teket dhe ka bërë kryeministrin dhe presidentin, ai thotë unë nuk dua që ta shkel Kushtetutën dhe e thotë këtë ai që kur u miratua Kushtetuta ai e quante atë si pasaporta e socialistëve. Ai e di të gjithë shqiptarët budallenj më duket. E thirrën në Gjykatë, nëse ai e di veten për të pafajshëm, të paraqitet, se është turp ta marrë vesh bota që ish-presidenti dhe ish-kryeministri i vendit nuk pranon të vejë në gjykatë.