Është zyrtare: do të ketë një sfidë të fundit mes Lionel Messi dhe Cristiano Ronaldo. Përballja e fundit do të luhet në Riad, në Arabinë Saudite, më 1 shkurt 2024 dhe do të jetë pjesë e turneut parasezonal të Inter Miami. Amerikanët fillimisht do të takohen me Al Hilal, ku do të mungojë Neymar i dëmtuar, por do të jenë Koulibaly dhe Milinkovic-Savic. E më pas përballja e madhe e Messi me CR7 e Al Nassr. Këtë e konfirmoi, pas një mohimi fillestar që daton në muajin nëntor, vetë klubi i MLS-së, i cili bëri të ditur datat e dy ndeshjeve miqësore.
Lexo më tej: Messi vs Ronaldo, ‘The Last Dance’: sfida e fundit do të vihet në skenë në Arabi
Rivalët e përjetshëm, 13 Topa të Artë mes tyre, u ndeshën për herë të fundit në janar, në një ndeshje miqësore mes PSG, ku luante atëherë Pleshti dhe një përzgjedhje lojtarësh nga Al Hilal dhe Al Nassr. Parisienët triumfuan 5-4 me golin e Messi, ndërsa Ronaldo shënoi dy herë. Në ndeshjet zyrtare të dy janë përballur 35 herë: 16 fitore për argjentinasin, 10 për portugezin dhe 9 barazime, me 21 gola të shënuar për të parin dhe 20 për të dytin. Sfida e fundit zyrtare? Barcelona-Juventus 0-3 në fazën e grupeve të Ligës së Kampionëve 2020/21 (dygolësh me penallti e CR7). Tani ka një pritje të madhe për ndeshjen e radhës, të cilën dikush tashmë e ka quajtur “The Last Dance”.
Adding a stop to our Preseason International Tour📍🌏
We will play two matches in Saudi Arabia in the Riyadh Season Cup as part of our first-ever international tour!
In a round-robin tournament format, we will take on Saudi powerhouses Al-Hilal SFC and Al Nassr FC on Monday,… pic.twitter.com/Xi9M0QApLi
— Inter Miami CF (@InterMiamiCF) December 11, 2023