Dukej e kryer: Ancelotti në krye të kombëtares së Brazilit. Një mundësi që stimuloi të gjithë futbolldashësit, me trajnerin më të suksesshëm dhe më të aftin në menaxhimin e kampionëve në pankinën e kombëtares që rimon me bukurinë dhe imagjinatën. Më pas gjërat u ndërlikuan, duke filluar me shkarkimin e presidentit federal brazilian, sponsori i madh i italianit, Ednaldo Rodrigues. Jo më pak të rëndësishme, fushatat e vazhdueshme në shtyp dhe mediat sociale të atyre që realisht nuk kanë ndërmend të shohin një të huaj në krye të Seleçaos.
Pjesa tjetër vjen nga faqet e Marca e cila pretendon se marrëveshja për rinovimin me teknikun Ancelotti, kontrata e të cilit skadon në qershor 2024, do të diskutohet së shpejti me Florentino Perez. Numri 1 i Blancos është i lumtur për të vazhduar me trajnerin që i dha dy Champions League plus një seri tjetër trofesh. Sigurisht, si gjithmonë gjithçka do të varet nga rezultatet, por nuk ka dyshim se vullneti i dy palëve çon në një imagjinatë pozitive për një të ardhme së bashku. Marca flet për “harmoninë totale mes trajnerit, lojtarëve, tifozëve dhe mbi të gjitha drejtuesve të Real Madrid”.
Lexo më tej: Real Madrid ndryshon mendje për Carlo Ancelotti: Perez mendohet, Brazili më larg
Gazeta e njohur spanjolle shton më pas se “trajneri dhe presidenti flasin shpesh, edhe pse deri tani nuk ka pasur asnjë bisedë konkrete për të ardhmen apo për një kontratë të re. Ky takim i famshëm do të mbërrijë në ditët në vijim”. Rezultatet janë gjithçka, veçanërisht te Real, por fakti që Ancelotti dëshiron të qëndrojë në qytetin ku gjeti lumturinë (fjalët e tij) të bën të mendosh për një të ardhme ende të veshur me të bardha, për një nga trajnerët më të suksesshëm në të gjithë historinë e futboll.
ANCELOTTI: “NËSE SHOQËRIA ËSHTË E KËNAQUR, E DINË SE JAM KËTU”
Një pyetje për këtë çështje ishte e pashmangshme me rastin e konferencës së vigjiljes së Real Madrid-Villarreal, të planifikuar për të dielën në orën 21:00: “Një pyetje tjetër, apo jo? – bëri shaka Carletto -. Besoj se nëse klubi është i lumtur, ai tashmë e di që unë jam. Kështu që besoj se nuk ka asnjë nxitim, apo problem për të rinovuar”.