Vendi ynë do të ndikohet nga kushte të qëndrueshme atmosferike kjo falë masave ajrore të thata me origjinë perëndimore. Moti parashikohet i kthjellët në të gjithë territorin si dhe vranësira të pakta kalimtare kryesisht në relievet malore në orët e mesditës.
Era do të ketë drejtim veri–verilindje me shpejtësi 1-5m/sek, e cila përgjatë vijës bregdetare e kryesisht në bregdetin jugor në orët e mbrëmjes fiton shpejtësi deri 10-12m/s, duke bërë që valëzimi në dete të jetë i forcës 1-2 ballë. Temperaturat parashikohen: 3 deri 14°C në zonat malore, 3 deri 18°C në zonat e ulëta dhe 8 deri 18°C në zonat bregdetare.