Një vit më parë, më 29 dhjetor 2022, në moshën 82-vjeçare, Edson Arantes Do Nascimento, i njohur në mbarë botën thjesht si Pelé, u nda nga jeta pas një sëmundje të gjatë. Miti Pelé, legjenda e futbollit brazilian dhe atij ndërkombëtar, më i dashuri në vendin e tij, për shumë vite në qendër të një rivaliteti në distancë me Maradonën për titullin e lojtarit më të mirë në historinë e futbollit.
Pelé, i cili është i vetmi lojtar që ka fituar tre herë Kupën e Botës dhe i pari që ka shënuar në katër edicione të ndryshme, luajti për Santos gjatë gjithë jetës së tij. Nga viti 1957 deri në vitin 1974 ai mbajti veshur fanellën bardhezi. Në fund të karrierës së tij, ai u përpoq për tre vjet të ngrinte futbollin në Shtetet e Bashkuara të Amerikës me fanellën e Neë York Cosmos. Ishte një hap larg kalimit në Itali, te Inter: Angelo Moratti përfundoi blerjen nga bardhezinjtë brazilianë, por në fund presidenti i Santos u bind nga “revolta” që shpërtheu në rrugë, në njoftimin e shitjes së tij në Evropë. Nuk luajti në Serie A, por me futbollin italian u përball në finalen e Botërorit të fituar nga Brazili në vitin 1970.
Lexo më tej: Lamtumirë ‘Magjistari i Topit’ Pele
Miti i fanellës me numrin 10 lidhet veçanërisht me emrin e tij, simbolin e futbollit dhe sportit në përgjithësi. Gjithçka filloi në Kupën e Botës 1958 në Suedi, kur drejtuesit brazilianë dërguan listën e lojtarëve në FIFA pa treguar numrat e fanellave që ishin caktuar për lojtarët. E kështu një punonjës i organizmit më të lartë federal të Amerikës së Jugut i caktoi numrat rastësisht dhe 17-vjeçari Pelè mori numrin 10. Një numër nga i cili nuk u nda kurrë dhe me të cilin shkroi historinë e futbollit.