Dani Alves u dënua me 4 vjet e 6 muaj burg, me vendim të Gjykatës së Lartë të Barcelonës, për sulm seksual ndaj një vajze 23-vjeçare, në banjat e një klubi nate në qytetin katalanas. Pas dënimit të përgjysmuar në krahasim me 9 vitet e kërkuara nga Prokuroria, Neymar përfundoi në syrin e stuhisë për 150 mijë euro që i kishte huazuar ish-shokut të kombëtares për dëmshpërblimin e familjes së viktimës. Ky është një faktor që ka ndikuar në uljen e dënimit, pasi siç pretendojnë gjyqtarët në Gjykatë, ai “shpreh dëshirën për dëmshpërblim”.
NEYMAR NË SHËNJESTËR
Polemikat të forta kanë nisur në Brazil, ku Partia e Punëtorëve nisi një sulm të ashpër ndaj Neymar: “Ai ndihmoi një përdhunues të zvogëlonte dënimin. Dënimi i Dani Alves është edukativ dhe shembullor, kjo tregon se shoqëria nuk toleron më sjellje seksiste dhe mizogjene.
Lexo më tej: Fajtor! Dani Alves dënohet 4 vjet e 6 muaj burg për dhunë seksuale: vajzës do ti paguajë edhe 150 mijë euro
“ËSHTË ABSURDE QË KA MARRË PARA NGA NEYMAR”
“Është absurde që ka marrë para nga Neymar – vijon sulmi nga Brazili – për të paguar dëmshpërblim dhe për të ulur dënimin. Që ndër të tjera nuk i zgjidh asgjë viktimës, nuk i fshin vuajtjet”.
🚨🚨| Neymar and his family have helped Dani Alves in his legal battle by paying the €150,000 in damages.
Neymar's family also made Brazilian defender Gustavo Xisto, one of the oldest legal representatives of Neymar's father's companies, available.
The two men are very close… pic.twitter.com/VZFN8LXqyZ
— CentreGoals. (@centregoals) February 22, 2024