Luis Enrique, pasi fitoi Superkupën e Francës me PSG-në, poshtëroi Ugarte në konferencë për shtyp. Tekniku spanjoll në mënyrë të pabesueshme talli qartë lojtarin duke thënë se ai ishte perfekt, pavarësisht se qëndroi në pankinë për 90 minuta.
Trofeu i parë i epokës së Luis Enrique ka mbërritur për PSG-në. Në fakt mbrëmjen e djeshme u luajt Superkupa e Francës mes parisienëve dhe Toulouse në Parc des Princes. Skuadra kryeqytetase fitoi 2-0 falë golave të Lee dhe Mbappe. Donnarumma ishte gjithashtu protagonist, me pritje të rëndësishme për të mbajtur portën të paprekur dhe rezultatin të sigurtë.
First trophy of Luis Enrique’s era 🇪🇸🏆 pic.twitter.com/HwIdIkV6vK
— Ligue 1 English (@Ligue1_ENG) January 4, 2024
LUIS ENRIQUE POSHTËRON UGARTE
Në konferencën për shtyp, Luis Enrique u shfaq i lumtur dhe mjaft ironik, sidomos kur e pyetën për lënien jashtë të Manuel Ugarte, në vend të të cilit luajti Lee. Luis Enrique ishte shumë i ashpër me komentin e tij në lidhje me lojtarin e tij dhe tha: “Sot ai ishte shumë i mirë, zero topa të humbur, i mrekullueshëm. Asnjë gabim. Perfekt”.
Një ironi të qartë të cilën ai e shpjegoi më pas duke iu referuar konkurrencës së madhe që ekziston në skuadrat e kalibrit të PSG-së dhe të cilës i nënshtrohen edhe lojtarë të rëndësishëm si Ugarte. Nëse është dikush që luan ose stërvitet më mirë, luan ai. Komenti i trajnerit nuk duhet të jetë pritur mirë nga mesfushori, i cili qëndroi në stol për 90 minuta.