Liman Shpendi, i njohur nga të gjithë si Alex, babai i Kristian Shpendit, qendërsulmuesit të Cesenës, është thirrur mëngjesin e sotëm në komisariatin e policisë për identifikim, pas agresionit ndaj portierit Filippo Rinaldi. I ati i futbollistit u bë protagonist në fund të ndeshjes së kampionatit kundër Olbia, kur zbriti në fushë për të goditur me grusht portierin mik.
I intervistuar nga kamerat e RAI-t, babai i binjakëve Shpendi ka dashur të kërkojë falje publike për gjestin e shëmtuar që me siguri do t’i kushtojë një përjashtim nga stadiumet: “I kërkoj falje të gjithëve – tha ai kur u largua -. Gjithë Italisë dhe klubit të Cesenës për gjestin tim të shëmtuar. E di që kam zhgënjyer shumë njerëz dhe për këtë arsye kërkoj falje njëqind mijë herë. E pashë djalin tim në tokë të gjakosur me lojtarin tjetër që e goditi nga pas duke menduar se nuk kishte asgjë. Për këtë arsye, si baba, më iku mendja, por absolutisht nuk godita askënd”.
NGJARJA
Ajo që ndodhi në bilbilin e fundit të Cesena-Olbia 1-0, në javën e njëzetë të grupit B të Serie C 2023-24, ishte absurde. Ndeshja e vendosur nga goli i Corazza (19′), përjetoi një finale të tensionuar kur babai i Kristian Shpendit – sulmuesi i Cesena – hyri në fushë nga tribuna për të tentuar të sulmonte portierin sard Filippo Rinaldi. Shpendi mbërriti me vrap drejt qendrës së fushës, ku disa lojtarë dhe drejtues po bisedonin pas ndeshjes. Në atë moment ai ra në kontakt me Rinaldin dhe e goditi me të djathtën në fytyrë, pa arritur shënjestrën fatmirësisht për portierin.
Zemërimi i babait të Shpendit shpërtheu pasi portieri Rinaldi i kishte dhënë një goditje të ndaluar djalit të tij gjatë ndeshjes, me sulmuesin e Cesenës që u detyrua të largohej për shkak të një dëmtimi të rëndë në vetull.
KOMUNIKATA E CESENËS
“Cesena FC, në lidhje me episodin e ndodhur dje, në ndeshjen Cesena-Olbia, dënon me vendosmëri sjelljen e familjarit të të teseruarit. Klubi distancohet nga çdo formë dhune dhe çdo sjellje josportive që nuk ka të bëjë fare me parimet e besnikërisë dhe lojës së ndershme që e kanë dalluar gjithmonë klubin. Në bashkëpunim me autoritetet kompetente, edhe nëpërmjet konsultimit me sistemin e video survejimit të stadiumit, ndihmuam për rikonstruksionin e incidentit dhe identifikimin e personit të përfshirë në episodin e ndodhur në fund të ndeshjes. Klubi do të vazhdojë të promovojë me bindje vlerat pozitive të futbollit dhe të bëjë të gjitha përpjekjet për të garantuar sigurinë e të gjithë tifozëve dhe profesionistëve të tij, në mënyrë që ata të mund të marrin pjesë në mënyrë paqësore në ngjarjet sportive ku Cesena FC është protagoniste”.