Goditja me grusht në përfundim të ndeshjes Cesena-Olbia ndaj portierit Filippo Rinaldi nuk mund të kalonte lehtë. E në fakt për Limanin, babain e vëllezërve Shpendi, ka ardhur dënimi. Hetuesi i Forlì-Cesena, Claudio Mastromattei, ka urdhëruar përjashtimin për tre vjet për Liman “Alex” Shpendi. Ai i thirrur për tu dëgjuar në komisariat një ditë më parë kërkoi ndjesë për gjestin e shëmtuar, duke thënë se “më iku mendja kur pashë djalin të gjakosur”.
Babai i lojtarit të Cesenës, Kristian Shpendi, është dënuar pas ngjarjeve në lidhje me ndeshjen e futbollit Cesena-Olbia, e luajtur të dielën në 7 janar në Stadium Manuzzi. Limani, babai i binjakëve Kristian (Cesena) dhe Stiven (Empoli), të dy lojtarë të kombëtares U 21 të Shqipërisë, do të mund t’i shohë vetëm në TV ndeshjet e fëmijëve të tij. Atij tashmë i ndalohet hyrja në vendet ku zhvillohen ngjarje sportive për tre vjet.
Lexo më tej: Babai i Shpendit në polici pas rrahjes së portierit: “Kërkoj ndjesë, më iku mendja”
Liman “Alex” Shpendi të dielën në fund të ndeshjes u fut në fushë duke tentuar të godasë me grusht portierin e skuadrës sarde, Filippo Rinaldi, fajtor për një ndërhyrje të ashpër ndaj djalit të tij. Rinaldi ende nuk ka bërë një denoncim zyrtar.
Loucura na Serie C.
Após o apito final de Cesena-Olbia, o pai do jogador Cristian Shpendi (e de Stiven Shpendi, do Empoli), invadiu o campo para dar um soco no goleiro Filippo Rinaldi.pic.twitter.com/U2LFej8VCG
— Calciopédia (@calciopedia) January 7, 2024